Kandidati i LDK’së për kryetar të Prishtinës, Arban Abrashi është i bindur se do të drejtojë Prishtinën në katër vitet e ardhshme.

“Unë jam shumë i bindur në fitore. Unë ju them me bindje të plotë se do të jem kryetar i ardhshëm i Prishtinës. Jam i hapur dhe bashkëpunues për të gjithë ata që kanë ide të mira për Prishtinën i ftoj në bashkëbisedim”, tha Abrashi për televizionin Rrokum.

“Prishtina nuk ka pasur kryetar në katër vitet e fundit, tani e ka një kandidat të mirë dhe një kryetar të ardhshëm”, theksoi ai.

Kur janë numëruar mbi 91 për qind të votave zyrtare në Komunën e Prishtinës Ahmeti numëron 34.407 vota të fituara apo kthyer në përqindje 43.49 për qind.

Sipas rezultateve zyrtare të Komisionit Qendror të Zgjedhjeve (KQZ), Arban Abrashi ka fituar 35.87 për qind të votave deri më tani.