Twitter ka njoftuar se po ndalon reklamat që vijnë nga mediat ruse.

Kjo lëvizje vjen pasi inteligjenca amerikane zbuloi se këto media kanë kërkuar të përhapin lajme të rreme gjatë zgjedhjeve presidenciale.

Një komunikatë në Twitter thotë se vendimi është marrë “për të ndihmuar në mbrojtjen e integritetit të përdoruesve të Twitter-it”.

“Twitter ka marrë vendimin e ndalimit të menjëhershëm të reklamave nga llogaritë e zotëruara nga Russia Today dhe Sputnik”, tha një zëdhënës i rrjetit social.