Një ushtar në rajonin Amur të Rusisë është arratisur pasi që ka vrarë tre kolegë të tij dhe ka plagosur një tjetër.

Në një deklaratë nga Ministria e Mbrojtjes së Rusisë bëhet e ditur se ushtari i cili ishte në detyrë në rajonin Amur, hapi zjarr në mënyrë të rastësishme me armë automatike ndaj ushtarëve të tjerë të cilët ndodheshin në fushën për gjuajte.

Si rezultat e incidentit, një oficer dhe dy ushtarë humbën jetën dhe një ushtar tjetër u plagos, transmeton AA.

Ushtari i cili kreu sulmin ka ikur nga vendi i ngjarjes, ndërkaq në rajon u dërguan forca të sigurisë.