Vjeshta në Maqedoni pritet të jetë me temperaturë mesatare dhe sasi të reshjeve në suaza të mesatares nga vitit 1981 deri në vitin 2010.

Sipas informacioneve të DPHM-së, temperatura prej shtatorit deri në nëntor pritet të jetë me lëvizje prej plus/minus një gradë në krahasim me mesataren. Temperatura mesatare mujore për shtator-tetor-nëntor 1981-2010 ka lëvizur në kufij prej rreth tetë gradë në pjesët malore deri 17.9 gradë të matura në Gjevgjeli, ndërsa reshjet mesatare të përgjithshme vjeshtore janë prej 127 milimetra të matura në stacionin meteorologjik në Shtip deri 326,6 milimetra në Lazaropole.

Si zakonisht një vjeshtë me reshje mesatare pritet edhe këtë vit, por mundësi më të madhe procentuale për dukuri negative, gjegjësisht paraqitje të sasive më të vogla nga mesatarja ekziston në rajonin perëndimor të Maqedonisë.

Nuk përjashtohet mundësia nga fundi i shtatorit dhe fillimi i tetorit të ketë vazhdim të verës, periudhë më të ngrohët dhe të thatë.