Meta pret Ali Ahmetin: Forcim i bashkëpunimit Shqipëri-Maqedoni

Presidenti i Republikës së Shqipërisë, Ilir Meta priti sot në një takim kryetarin e Bashkimit Demokratik për Integrim (BDI), Ali Ahmeti.

Meta, siç njofton ATSH, vlerësoi kontributin e BDI-së në interes të stabilitetit të Maqedonisë dhe përparimin e axhendës së saj evropiane.

Ai theksoi rëndësinë e zbatimit të plotë të Marrëveshjes së Ohrit për respektimin e të drejtave të shqiptareve në Maqedoni dhe përmirësimin e klimës së besimit të ndërsjellë mes shqiptarëve dhe maqedonasve në interes të integrimit euro-atlantik të vendit.

Presidenti shqiptar, Meta shprehu më tej angazhimin e tij për forcimin e bashkëpunimit mes Shqipërisë dhe Maqedonisë në interes të dy vendeve dhe perspektivës evropiane të rajonit.