Aktorja dhe këngëtarja Jennifer Lopez është duke bashkuar forcat me ish-bashkëshortin e saj Marc Anthony për të mbledhur fonde për të viktimat e uraganeve në Porto Riko.

Ajo u ka bërë thirrje fansave përmes Instagramit për të ndihmuar viktimat.

“Shkatërrimet janë përtej besimi”, ka thënë 48-vjeçarja.

Lopez po ashtu tha se ajo dhe kushërinjtë e saj ende nuk kanë dëgjuar asgjë për familjet e tyre në Porto Riko.

“Ishulli ynë Porto Riko është goditur nga dy uraganet më shkatërrimtare që kemi parë, Irma dhe Maria. Sot, Porto Riko ka nevojë për ndihmën tonë”, ka thënë ajo.

Edhe Anthony u ka bërë thirrje fansave që të kontribuojnë për rindërtimin e Porto Rikos.

Uragani Maria ishte ndër më të fuqishmit që ka goditur Port Rikon në këtë shekull. Tash ishulli po vlerëson dëmet dhe zyrtarët thonë se mund të marrë gjysmë viti  për të rikthyer energjinë elektrike për banorët e saj, shkruajnë mediat amerikane.