Ish kandidati për Tetovë, Izet Zeqiri: Mos jepni dorëheqje nëse humbni

Ish deputeti i RDK-së, gjithasthu kandidat për kryetar komune në Tetovë në vitin 2013 mori 2300 vota. Sipas tij ai këto vota i ka marrë pasi ka paraqitur program se si do të punoj për katër vite, ndërsa kundër kandidatët e tij pa program kanë marrë më shumë vota, përcjell TetovaSot

“Të nderuar kandidat për kryetar mos e ndiqni shembullin tim.
1. Mos beni programe për qeverisjen e komunave në katër vitet e ardhshme. Sepse unë me program, plan strategjike për zhvillimin e komunës së Tetovës dhe plan akcional mora 2300 vota kurse kundër kandidatët pa program 26.000 vota.
2. Edhe pse keni gabuar qe jeni kandiduar, mos “gaboni” të jepni dorëheqjen nëse i humbni zgjedhjet, sepse karriera e juaj e vrullshme politike vdes me gjithë pozitat që i keni. Kjo është etika nëse do e keni (e drejtë e pa drejt, e sinqertë e pasinqertë…).

Me kenaqesi pres ti lexoj programet e juaja nëse do të keni dhe shpresoj të jenë konkurruese.”, ka shkruar ish kandidati për kryetar komune në Tetovë Izet Zeqiri