Durrës, dy vëllezër hipin në tarracën e pallatit dhe kërcënojnë se do të hidhen (FOTO)

Dy persona vëllezër kërcënojnë se do të hidhen nga tarraca e pallatit në Durrës.

Policia ka njoftuar se ata kanë hipur në tarracën e pallatit pasi përmbarimi po nxjerr familjen e tyre nga shtëpia (e ish- pronarëve). Por këta banorë pretendojnë që dokumentacioni është fals dhe nxjerrja e tyre është e paligjshme.

Njoftimi i Policisë:

Dy banorë në lagjen nr. 11 të qytetit të Durrësit deklarojnë se do të vetëvriten.

Shkak është bërë kthimi i banesave të tyre tek ish-pronarët.

Përmbarimi i ka kërkuar dy familjeve që të dalin nga banesat dhe t’ua kthejnë ato ish-pronarëve.

Por këta banorë pretendojnë që dokumentacioni është fals dhe nxjerrja e tyre është e paligjshme.

Për këto arsye, ata kanë deklaruar se nëse do t’i nxjerrin jashtë shtëpisë do të vetëvriten duke u hedhur nga pallati.