Një burrë i ri ka bartur në shpinë prindërit e tij për më shumë se 40 kilometra, vetëm dhe vetëm që t’ua dëshmojë se padrejtësisht është akuzuar për një krim që nuk e ka kryer.

Kartik Singh thotë se padrejtësisht ishte arrestuar në vitin 2009, nën akuzën se kishte abuzuar seksualisht me një grua me ç’rast ishte dënuar me 18 ditë burgim, transmeton Telegrafi.

Ai ka udhëtuar nga vendlindja e tij Moroda në lindje të Indisë, deri në gjykatë vetëm dhe vetëm që t’ua dëshmojë të gjithëve se është i pafajshëm.

Prej atëherë, ai është anashkaluar nga komuniteti dhe vazhdimisht kishte probleme të gjej punë.

Si rezultat i kësaj, ai thotë se është zhytur në borxhe pasi ka mbetur pa punë dhe se duhet të kujdeset për prindërit e tij të moshuar.

Singh ishte i etur që të pastroj emrin e tij dhe t’ua dëshmojë prindërve se nuk është fajtor, dhe se asnjëherë nuk ka kryer kurrfarë krimi.

Kështu ai vendosi t’i bartë në shpinë babanë dhe nënën për më shumë se 40 kilometra, të cilët ishin ulur në disa pjesë të drurit të cilat ishin të lidhura me litar që ai i mbante në shpinë.

Sing pretendon se edhe pse është i arsimuar, nuk po arrin të martohet për shkak të akuzave që i janë bërë.

Aktivistët për të drejtat e njeriut thonë se kjo nuk është hera e parë, që në Indi padrejtësisht akuzohen njerëzit për krimet që nuk i kanë kryer.

Singh dëshiron që t’i bind prindërit e tij se nuk ka kryer kurrfarë krimi para se ata të vdesin.