Zidane zbulon objektivin e Real Madridit për sezonin e ri

Zidane zbulon objektivin e Real Madridit për sezonin e ri

Zinedine Zidane ka mbajtur konferencë për media para ndeshjes me Deportivo La Corunan, e cila është e para për sezonin e ri

Numri një i Los Blancos, Zinedine Zidane ka bërë të ditur se objektiv kryesor i skuadrës në këtë sezon është triumfi në La Liga.

 “Fitimi i La Ligës ishte gjëja më e mirë që më ka ndodhur në karrierën time. Ne e dimë se është një titull shumë i komplikuar, të cilin e fituam në ditën e fundit”, ka deklaruar ai.

“Për ta fituar La Ligën në vazhdimësi është një gjë fantastike. Ne e fituam  Ligën e Kampionëve, Super Kupën e Evropës, Superkupën e Spanjës, por La Liga është diçka e veçantë”, thotë Zidane.

“Qëllimi ynë është të përpiqemi që përsëri ta fitojmë La Ligën. Kemi mundësi si skuadra të tjera, dhe do të përpiqemi të fitojmë sërish La Ligën “, ka theksuar ai.