Ministri serb i Punëve të Jashtme Ivica Daçiq ka deklaruar se Serbia nuk e ka ndryshuar vendimin që ka të bëjë për emrin me të cilin e njeh Maqedoninë.

Pas takimit me shefin e diplomacisë së Maqedonisë, Nikolla Dimitrov, Daçiq theksoi se është e nevojshme që dy vendet të sillen në mënyrë transparente dhe të sinqertë.

“Neve na dhemb që e pranuam Maqedoninë me emrin kushtetues, për çka Greqia na dha vërejtje, e cila megjithatë nuk e njeh Kosovën, ndërsa Maqedonia këtë e bëri”, theksoi Daçiq, duke potencuar se Kosova është njohur nga ana e Qeverisë paraprake, e jo nga kabineti qeveritar i Zoran Zaevit.

“Megjithatë, ne nuk e ndryshojmë vendimin”, tha Daçiq.