Të paktën 60 persona humbën jetën në sulmet ajrore të koalicionit të kryesuar nga Arabia Saudite, drejtuar kundër një hoteli në qytetin jemenas Arhab, në rreth 50 kilometra në veri të Sanës, transmeton BTA.

Tani për tani nuk dihet pse luftëtarët e kanë sulmuar hotelin.

Sipas dëshmitarëve okularë, ndërtesa dykatëshe është tërësisht e shkatërruar edhe nën rrënoja ende dallohen kufoma të njerëzve. Në sulmin e dytë ajror,  u shkatërrua një pikë kontrolli shiite, e cila ndodhej në rreth një milje nga hoteli.