PSG-ja e nis me fitore sezonin e ri, u prezantua Neymar në “Parc des Princes”.

Paris Saint Germaini e ka nisur me fitore sezonin e ri, duke e mposhtur 2:0 skuadrën e promovuar këtë sezon në Ligue 1, Amiens në “Parc des Princes”, aty ku u prezantua Neymar para fillimit të ndeshjes, shkruan Gazeta Express.

 Edinson Cavani në minutën e 42’të dhe Javier Pastore në atë të 82’të, shënuan për fitoren e PSG-së prej 2:0.

Neymar ndoqi nga tribunat këtë ndeshje, pasi nuk ka mundur të debutojë me klubin francez për shkak të mos kompletimit të dokumentacioneve të nevojshme.

Ai pritet të zhvillojë sfidën e parë me PSG-në javën e ardhshme.