Dy persona në fshatin Tushemisht janë konfliktuar pasditen e së enjtes në mes të rrugës për motive të dobëta.

Personat në fjalë janë identifikuar me inicialet A.P dhe G.Xh, përkatësisht 25 dhe 33 vjeç, të dy banues në Pogradec.

Pas përplasjes shtetasi A.P ka shkuar në banesën e tij në fshatin Tushemisht dhe ka marrë një armë zjarri tip Kallashnikov, me qëllim që të ndiqte 33-vjeçarin.

Ai ka hyrë në një lokal, që thuhet se frekuentohej edhe nga shtetasi G.Xh, për ta kërkuar atë. Por reagimi në kohë i policisë ka bërë të mundur parandalimin e përshkallëzimit të konfliktit midis tyre.

Sapo ka parë shërbimet e policisë, 25-vjeçari është larguar me shpejtësi. Nga ana e policisë janë ngritur grupe kontrolli dhe po vijon krehja e zonës për kapjen e tij.

NJOFTIMI:

Më datë 03.08.2017, jemi njoftuar se në fshatin Tushemisht, janë konfliktuar në rrugë, për motive të dobëta shtetasit A.P, 25 vjeç dhe shtetasi G.Xh, 33 vjeç, banues në Pogradec.

Pas këtij konflikti dyshohet se shtetasi A.P, ka shkuar në banesën e tij në fshatin Tushemisht dhe ka marrë një armë zjarri tip kallashnikov, me qëllim që të ndiqte personin me të cilin ishte konfliktuar.

Reagimi në kohë i Policisë, bëri të mundur parandalimin e përshkallëzimit të mëtejshëm të konfliktit midis këtyre dy shtetasve, pikërisht në një lokal në fshatin Tushemisht, ku shtetasi A.P, pasi kishte marrë armën, kishte hyrë në ambjentet e tij për të kërkuar shtetasin G.Xh.

Porsa ka parë shërbimet e Policisë ky i fundit, është larguar me shpejtësi.

Nga ana e Policisë, janë ngritur grupe kontrolli dhe po vijon krehja e zonës për kapjen e tij.

Grupi hetimor po punon për zbardhjen e rrethanave të ngjarjes, si edhe dokumentimin e plotë të saj.

Global