Në vendkalimet kufitare në anën e Maqedonisë ka ndalesa prej 15 deri në 30 minuta, kumtoi Lidhja auto-moto e Maqedonisë në raportin e mesditës.

Intensiteti i qarkullimit në akset rrugore jashtë mjediseve të qytetit është rritur.

LAMM përkujton se nga data 3 deri më 12 gusht të vitit 2017 në rrugën rajonale, aksi rrugor Gradsko – Prilep nga kilometri i 28 deri në 45 do të ketë aktivitete ndërtimore – zëvendësim i rrethojës elastike.

Rekomandohet drejtim të kujdesshëm, shpejtësi të përshtatur të lëvizjes dhe respektim i sinjalizimit vendor rrugor. Kujdes më të madh nevojitet nëpër grykat malore, ku është e mundur paraqitje e rrëshqitjeve të dheut.