Megjithëse është caktuar një takim konsultativ me shefat e grupeve parlamentare, për të caktuar vazhdimin e seancës konstituive, kryesuesi i Kuvendit Adem Mikullovci tashmë e ka caktuar vazhdimin e seancës për të enjten, ende pa u mbajtur takimi konsultativ. Këtë e ka konfirmuar vet Mikullovci për Kp  Ai tha se takimi konsultativ është të mërkurën, e seanca është caktuar për të enjten në orën 10:00.

“ Të mërkurën e kemi takimin konsultativ. E seanca do të mbahet të enjten në orën 10:00. Seanca që do të mbahet të enjten, është caktuar javën e kaluar”, tha Mikullovci. Ndryshe, të premten që shkoi kryesuesi ka mbajtur një takim me shefat e grupeve parlamentare, për të caktuar datën e vazhdimit të seancës, por pas këtij takimi shefat e Grupeve Parlamentare, u deklaruan se nuk kanë arritur ta caktojnë një datë se kur do të mbahet seanca.

Gjatë këtij është caktuar vetëm mbajtja e një takimi konsultativ të mërkurën, por ende pa u mbajtur ky takim, Mikullovci i ka ftuar deputetët që të marrin pjesë në vazhdimin e seancës, e cila do të mbahet të enjten duke filluar nga ora 10:00, me të vetmen pikë të rendit të ditës zgjedhja e kryetarit dhe nënkryetarëve të Kuvendit.