Më shumë se 1,4 milionë myslimanë deri më tani kanë arritur në Arabinë Saudite për Haxhxh-in 2017, që është për 33 për qind më shumë nga periudha e njëjtë e vitit të kaluar. Midis tyre ka edhe 400 besimtarë nga Katari.

Katari dhe Arabia Saudite janë në konflikt nga 5 qershori, kur Riadi dhe aleatët e tij si Bahreini, Egjipti dhe Emiratet e Bashkuara Arabe i ndërprenë të gjitha lidhjet me Dohan.

Katër vendet e akuzojnë Katarin për mbështetje dhe afrim të organizatës ekstremiste Iran.

Megjithatë, javën e kaluar Riadi kumtoi se sërish e ka hapur kufirin tokësor me Katarin, që t’ju mundësojë besimtarëve të arrijnë në Mekë për të kryer obligimin e tyre për Haxhxh.

Në vitin 2016, 1.800.000 besimtarë kanë marrë pjesë në Haxhxh.

Rreth 60.000 iranianë nuk kanë mundur të marrin pjesë sepse Teherani dhe Riadi nuk kanë arritur t’i zgjidhin çështjet e sigurisë dhe logjistike.

Në mars të këtij viti, Arabia Saudite kumtoi se ata do të mund të marrin pjesë në Haxhxh-in e sivjetëm.

Marrëdhëniet midis Iranit dhe Arabisë Saudite me vite të tëra janë të tensionuara për shkak të mosmarrëveshjeve të tyre rreth numrit të madh të çështjeve rajonale, duke e përfshirë edhe luftën në Siri.

Vlerësohet se mbi dy milionë njerëz do të marrin pjesë në Haxhxh-in 2017.

Shkuarja në Haxhxh është një prej pesë shtyllave të islamit dhe çdo besimtar duhet ta kryejë të paktën njëherë në jetë, nëse disponon me mjete financiare për këtë.