Floyd Mayweather e ka mposhtur irlandezin Conor McGregor, në ndeshjen që u zhvillua sot në Las Vegas.

Mayweather e fitoi meçin që cilësohej “Lufta e Shekullit” ndaj McGregor me nokaut teknik në raundin e 10-të, pas vendimit të gjyqtarit.

Meçin e nisi më mirë McGregor, i cili ishte dominues në tri raundet e para, por Mayweather e rimori vetën duke treguar pse konsiderohet njëri nga boksierët më të mirë të historisë së botës.

Me këtë fitore ndaj McGregor, amerikani arrin rekordin prej 50 ndeshjeve pa humbje në boksin profesionist.

https://www.youtube.com/watch?v=rg7dxFpkElc