Presidenti i Kosovës, Hashim Thaçi, ka uruar xhudisten pejane Majlinda Kelmendi, pas çmimit të jashtëzakonshëm mbrëmë.

Thaçi ka shkruar në Facebook se triumfet e Majlindës janë suksese të shtetit të Kosovës, përcjellë “Lajmi.net”.

“Majlinda Kelmendi, si askush tjetër, personifikon ëndrrën, suksesin dhe krenarinë e popullit dhe të shtetit të Kosovës.

Prandaj, edhe Federata Ndërkombëtare e Xhudos, pa hezitim, e shpalli Majlindën si xhudistën më të mirë në botë.

Triumfet e Majlindës janë fitore të mëdha për shtetin tonë të ri”, ka shkruar Thaçi.