Në shumë vende të botës ka rregulla dhe ligje nga më të ndryshmet që ne na bëjnë habi, madje në shumë raste na duken edhe të çmendur, por që për ta vendosja e këtyre rregullave është e domosdoshme.

Në Emiratet e Bashkuara Arabe është e paligjshme të postosh foto “online” të stuhive apo përmbytjeve pasi postimi i këtyre fenomeneve dënohet me ligj.

Ministri i Brendshëm i këtij vendi tha se fotot e përmbytjeve prishin imazhin e vendit dhe do të ndëshkohen me një gjobë deri në 200 mijë euro.

Kjo erdhi pas shumë fotove të postuara “online” pas shirave të rrëmbyeshëm që goditën Emiratet këtë javë, duke shkaktuar bllokim rrugësh dhe anulim fluturimesh.