Është raportuar se FBI ka bastisur shtëpinë e Pol Manafort, ish shefit të fushatës së presidentit të SHBA-së, Donald Tramp.

Sipas “Uashington Post”, kërkimet janë bërë në njërën nga rezidencat e tij në Virxhinia, në kuadër të hetimeve që po bëhen për ndikimin e mundshëm rus në zgjedhjet presidenciale të vitit 2016 në SHBA.

Sipas raportit të kësaj gazete, FBI ka konfiskuar dokumente dhe materiale të tjera para agimit të 26 korrikut.

Zëdhënësi i Manafort, Xhejson Maloni, ka konfirmuar se agjentët federalë, “kanë ekzekutuar një urdhër kërkimi në njërën nga rezidencat e zotit Manafort”.

Aktualisht, Manfort është në qendër të disa hetimeve për lidhje të mundshme në mes të fushatës së presidentit Tramp dhe Rusisë.

Ai është larguar nga pozita e shefit të fushatës së Trampit, në gusht të vitit 2016, pas informacioneve se ai ka pranuar pagesa të mëdha nga ish qeveria ukrainase, e cila konsiderohej të ishte proruse