Rrjeti social gjigant “Facebook” ka rënë sërish për gati 30 minuta. Kjo është hera e dytë brenda një jave që rrjeti social më popullor ka probleme.

Mijëra përdorues të “Facebook”-ut e kanë pasur të pamundur të aksesojnë rrjetin social në kompjuter. Ndërkaq, përdoruesit e kanë pasur gjithashtu të pamundur të shpërndajnë linqe apo të postojnë artikuj në faqet e tyre.

Më herët këtë javë “Facebook”-u u godit nga një tjetër problem që ua bëri të pamundur përdoruesve qasjen në faqet e tyre personale. Mbetet ende e paqartë se cili është shkaku i problemeve të “Facebook”-ut, ndërkohë që përdoruesit e cilësojnë gjendjen si “katastrofike”.