Aksident rrugor në Gjermani, plagosen 44 persona

Dyzet e katër persona janë lënduar në një aksident automobilistik në Gjermani, ndërsa pjesa më e madhe e të lënduarve janë shtetas rumunë, njoftoi agjencia  e lajmeve DPA.

Në autobus transportoheshin rreth 50 persona, pjesa më e madhe e tyre rumunë, që janë angazhuar të grumbullojnë luleshtrydhe. Gjashtë prej të lënduarve janë me lëndime serioze.

Policia njoftoi se shoferi i autobusit e humbi kontrollin mbi automjetin në një pjesë të rrugës në qytetin Bomte, në Saksoninë e Poshtme.