Po i vije fundi afatit kalimtar të kësaj vere, ku shumë transferime janë kryer dhe shumë të tjera pritet të bëhen

Milan, Manchester City dhe Roma janë prej skuadrave më aktive gjatë këtij afati kalimtar, duke transferuar më shumë se nga pesë lojtarë.

 Neymar është lojtari më i shtrenjtë i kësaj vere dhe i historisë së futbollit, pasi për 222 milionë euro kaloi nga Barcelona në PSG.

Por, edhe disa transferime të mëdha pritet të ndodhin në javën që kemi hyrë, me Barcelonën si protagoniste kryesore, sepse është afër që të transferoi tre lojtarë për më shumë se 300 milionë euro.

Sky Sports ka publikuar listën prej 10 transferimeve që mund të ndodhin këtë javë, ku sot janë finalizuar dy, ai i Kondogbias nga Inter në Valencia dhe i Samir Nasrit nga City në Antalyaspor.