Mbrëmë në fshatin Çiflik, rrethina e Dellçevës të Maqedonisë, është gjetur i varur në një pemë 31-vjeçari Daniel Georgievski nga Dellçeva. I riu rezultonte i humbur prej tre ditësh.

Sipas informatës nga SPB Shtip, mbrëmë rreth orës 20, trupi i Georgievskit është gjetur në tre kilometra nga fshati, pas çka ekipet kompetente kanë kryer ekspertizë, ndërsa mjeku ka konstatuar se vdekja është paraqitur me varje dhe se mbi trupin nuk ka pasur gjurmë të dhunës.