Asambleja e Përgjithshme e Parlamentit të Turqisë ka ratifikuar mocionin e kryeministrisë për zgjatjen edhe për tre muaj të gjendjes së jashtëzakonshme në Turqi, që do të hyjë në fuqi nga data 19 korrik, ditën e mërkurë, raporton Anadolu Agency (AA).

Debati rreth zgjatjes së gjendjes së jashtëzakonshme hyri në rendin e ditës së parlamentit gjatë ditës së djeshme, pasi paraprakisht ishte propozuar në Këshillin e Lartë të Sigurisë nga ana e kabinetit të kryeministrit.

Mocioni u mbështet nga votat e deputetëve e partisë në pushtet për Zhvillim dhe Drejtësi (AKP) dhe partia opozitare Lëvizja Nacionaliste (MHP).

Presidenti i Turqisë, Recep Tayyip Erdoğan, kryeministri Binali Yıldırım dhe kreu i MHP-së Devlet Bahceli kishin sinjalizuar në fjalimet e tyre më parë se gjendja e jashtëzakonshme do të zgjatet.

Ndryshe, Turqia shpalli gjendjen e jashtëzakonshme më 20 korrik të vitit 2016, pas tentativës për grusht shteti më 15 korrik të atij viti.

T mobile In article [4]

Gjatë gjendjes së jashtëzakonshme, Kabineti ka të drejtë të nxjerrë dekrete statutore nën presidentin e republikës, pa procedurat rutinë dhe kufizimet në nenin 91 të Kushtetutës së vendit. Këto dekrete së pari publikohen në ‘Gazetën zyrtare’ dhe më pas i dorëzohen parlamentit për ratifikim.

Global