Turan s’ka vend te Barcelona, klubi italian në gatishmëri për ta transferuar

Drejtori sportiv i Interit, Piero Ausilio, po kërkon të zëvendësojë Ivan Perisicin, i cili pritet të nënshkruajë për Manchester Unitedin në ditët në vijim.

Sipas “Corriere Dello Sport”, Ausilio po kërkon në të gjithë Evropën për përforcime, por atij i është ofruar lojtari i Turqisë, Arda Turan, i cili është i tepërt te Barcelona.

Gjithashtu, Ausilio është i interesuar edhe për sulmuesin e Lazios, Keita Balde Diao.

Mbrojtësi i majtë i Nice, Dalbert, është gjithashtu në fokusin e Interit dhe transferimi i tij mund të ndodhë gjatë ditës së martë.