Pas Thaçit, Mogherini takon edhe Vuçiqin (FOTO)

Shefja për politikë të Jashtme dhe Siguri  e Bashkimit Evropian, Federica Mogherini është takuar këtë mëngjes në një takim joformal me presidentin e Serbisë, Aleksandar Vuçiq.

Ky takim i shefes së diplomacisë evropiane erdhi pas atij që pati me presidentin e Kosovës, Hashim Thaçi, njofton Klan Kosova.

Lajmi u bë i ditur përmes një postimi në Twitter të zëdhënëses së saj, Maja Kocijançiq në të cilin e ka publikuar edhe një fotografi.

Takimet e Mogherinit me dy presidentët mbahen para atij të përbashkët ku do të diskutohet për vazhdimin e dialogut në mes të dy vendeve, njofton Klan Kosova.