Një mësuese është vënë nën hetim në Tiranë, pasi ka grisur fletët e regjistrit të nxënësve. Ngjarja ka ndodhur në një prej gjimnazeve të kryeqytetit. Duket se gjithçka ka të bërë me ndryshimin e notave të nxënësve.

Burime nga Policia e Tiranës thanë se ka nisur procedim penal ndaj mësueses me inicialet Sh. S., e cila jepte mësim në një gjimnaz, pasi një ditë më parë ka grisur fletët nga regjistri i notave të nxënësve.

Kallëzimi është bërë për këtë rast nga drejtoresha e shkollës, ndërsa po hetohen motivet e këtij veprimi që konsiderohet shkelje ligjore.

Nga hetimet paraprake dyshohet se grisja e fletës me nota të gjimnazistëve është bërë për veprime korrupsioni dhe ndryshimit të notave të vendosura më para, por hetimet janë ende të hapura.

Global