Për organizatorët e protestës para kryeministrisë të mbajtur ditën e djeshme me qëllim mos ekstradimin drejt Serbisë të Ballist Morinës, policia e shtetit ka nisur procedim penal.

 Protesta u mbajt fillimisht para kryeministrisë në Tiranë, ndërsa më pas vijoi para dyerve të ambasadës kroate.

Por sipas Komisariati Nr. 1 të policisë në Tiranë protesta në fjalë është zhvilluar pa marrë lejet përkatëse, ndaj ata duhet të dalin para gjykatës.

Njoftimi i Komisariatit Nr. 1

Më datë 29.07.2017, u referuan materialet në Prokurorinë e Rrethit Gjyqësor Tiranë, për shtetasit M.R., Z.D.,  G.Gj., B.K., E.SH., dhe J.G., 22, 27, 29, 32, 27 dhe 26 vjeç, banues në Tiranë, pasi në orën 19:00, në bulevardin “Dëshmorët e Kombit” dhe në rrugën e “Elbasanit”, kanë organizuar pa lejen përkatëse duke bllokuar qarkullimin e mjeteve, një protestë për mos ekstradimin e shtetasit I. M. Nenet 262 dhe 293 të Kodit Penal.