Kampioni i botës i peshave të rënda Anthony Joshua, ka qenë sot në Las Vegas dhe ka vizituar palestrën e boksit të Floyd Mayweather. Ky i fundit po përgatitet për duelin e 26 gushtit ndaj Conor McGregor.

Boksieri britanik është shfaqur i qeshur në këtë vizitë në palestrën gjigante të ish-kampionit të botës, duke postuar edhe foto e video nga kjo vizitë. Jo vetëm kaq, por Joshua edhe ka zhvilluar një stërvitje të vogël në këtë palestër.

Pas kësaj vizite, Joshua ka konfirmuar edhe një herë mbështetjen e tij për kolegun amerikan, ndërkohë që pak kohë më parë i pat kërkuar të duelonte edhe ai në mbrëmjen kur Mayweather do të përballet me McGregor.

Global

Gjatë vizitës në palestër Joshua ka takuar edhe disa boksierë që stërviteshin aty si dhe ka dalë në fotografi me ta, duke postuar edhe një video teksa stërvitej. Britaniku ka treguar aftësitë e tij dhe shpejtësinë në goditje, ndërkohë që prej disa muajsh është në pritje të rivalit të radhës.

Gjasat janë që Joshua të përballet sërish me ukrainasin Wladimir Klitschko, në një revansh, që mund të zhvillohet në Las Vegas. Ndaj dhe Joshua ka qenë në shtetin amerikan, për të zhvilluar bisedime me stafin e ukrainasit, për të zhvilluar një tjetër sfidë epike mes tyre. Joshua pritet të jetë në Las Vegas më 26 gusht për të parë duelin mes Mayweather dhe McGregor. /telesport/

T mobile In article [4]