Gjatë një operacioni blic në Bregun Perëndimor, shërbimet sekrete izraelite dhe ushtria arrestuan 25 pjesëtarë të Hamasit, mes të cilëve funksionarë të lëvizjes që drejton Rripin e Gazas.

Lajmin e bëjnë të ditur mediat izraelite, ndërsa në rajon tensioni mbetet i lartë pas incidenteve të rënda që ndodhen në Jeruzalem, si pasojë e kufizimeve të vendosura nga Izraeli në hyrjen e Malit Tempull.

Sipas të përditshmes “Israel Hayom”, mes të arrestuareve janë edhe një deputet e 5 milicë të Hamasit, të liruar disa vite më parë nga Izraeli pas negociatave për shkëmbimin e të burgosurve.

Reagimi palestinez nuk ka vonuar. Pak orë më vonë një raketë u hodh nga Rripi i Gazas në drejtim të Izraelit, por shpërtheu në ajër.

Gjatë së shtunës u shënuan dy viktima të tjera palestineze në Bregun Perëndimor, ndërsa policia në Jeruzalem u mobilizua për të penguar protesta të reja.

T mobile In article [4]

Gjithsej 5 palestinezë kanë humbur jetën në përleshjet me forcat e sigurisë gjatë dy ditëve të fundit. Ndërkaq, Kryeministri izraelit, Benjamin Netanjahu thirri një mbledhje të kabinetit të mbrojtjes për të shqyrtuar situatën e krijuar në Jeruzalem pas instalimit të detektorëve metalikë në hyrje të vendit të shenjtë, që nga izralitët njihet si Mali Tempull, ndërsa nga palestinezët si Haram Al Sharif.

Gjeneral/major Yoav Mordechai tha se Izraeli po konsideronte alternativa të tjera ndaj detektorëve kontroversë dhe i kërkoi botës myslimane të japin sugjerimet e tyre. Tensionet lidhur me vendin e shenjtë u rindezën gjatë ditëve të fundit pas vrasjes së 2 policëve izraelitë pranë zonës.

T mobile In article [4]