Lëvizja anti-Basha ka vazhduar takimet ditën e sotme në Korçë, ku të pranishëm ishin drejtuesit e saj, por ju bashkuan edhe disa deputetë, si Ridvan Bode, Eleina Qirici dhe Gjergji Papa.

Por këtë herë këta janë pritur me parrulla nga rreth 10 njerëz që ishin nxjerrë në rrugë, gjysëm të maskuar.

Ithëtarët e kryetarit i kanë pritur rebelët me parulla ne duart ku shkruhej: “Tradhtar”, “hipokritë, turpi i PD”, “PD nuk është Kazino” etj. Madje të njëjtat zëra janë munduar të flasin edhe në sallë gjatë tubimit duke akuzuar: “Nuk ju pamë asnjë ditë në fushatë, por paratë që bëtë nga djersa jonë po i përdorni sot për të ndihmuar Ramen”.

Gjatë fjalës së tij, Astrit Patozi u mundua të ulë gjakrat kur tha se nga Korça shpall “Lëvizjen për Ringritjen e PD”. “Nëse nisma jonë do kishte një emër që do i vendosnim nismës tonë do ishte Lëvizja për Ringritjen e Partisë Demokratike dhe këtë po e them për herë të parë në Korçë. Ne jemi të gjithë bashkë dhe kjo është PD që nuk pranon mosmbajtjen e përgjegjësisë dhe mospasjen e një gare të drejtë.

Ne jemi etiketuar si kundërshtarët e Lulzim Bashës, por ne jemi kundërshtarët e PS, pasi Lulzim Basha është njëri prej nesh dhe jemi gati të punojmë edhe me të për ringritjen e PD. PD nuk ka vdekur”- tha ai.

T mobile In article [4]

Pastaj vazhdoi: “Ky takim këtu dhe ata që do të vijojnë, do tu tregojë shqiptarëve që PD është pronë e demokrateve dhe jo një biznes privat. PD nuk mund të jetë kurrë pronë e një njeriu” theksoi

ai.Image