Hoti: Nëse PAN-i ka 61 deputetë, LDK-ja mbetet në opozitë

Avdullah Hoti nga Lidhja Demokratike e Kosovës edhe njëherë e ka bërë të qartë se nuk do të futen në koalicion me PAN-in, ku është PDK-ja.

“Ne jemi 29 deputetë që nuk do të lëvizim. Edhe në Vetëvendosje thonë kështu dhe shumica nuk janë për koalicion me PAN-in”, ka thënë ai në Radio Televizionin Publik.

Ai bëri me dije se do të diskutojnë me Vetëvendosjesn për të arritur marrëveshjen  për krijimin e Qeverisë, nëse PAN-i dështon.

Sipas tij, PAN së bashku më minoritete kanë 59 deputetë. Hoti tha se demokracia janë burim i shumicës.

“Nuk mund të themelohen institucionet e vendit nga pakica, nëse arrin t’i bëjnë 61 vota, në do të jemi opozitë”, ka thënë Hoti.

Hoti i cili është edhe ministri në detyrë i Financave, tha se tendenca për të themeluar qeverinë e Kosovës, nga kontrabandimi nuk i bënë nder as Kosovës.

“Populli i ka dhënë mbështetje PAN-it më shumë dhe u ka dhënë të drejtë. Ata do të provojnë dhe nëse se krijojnë ka të tjerë që e kanë shumicës’, përfundoi Hoti.