Të shtëna me armë zjarri janë shënuar në aksin Elbasan – Xibrakë pasditen e sotme. Të dhënat e para flasin për një konflikt, por nuk raportohet për të lënduar.

Ngjarja

Në Sallën Operative ka ardhur një telefonatë se në aksin rrugor Elbasan – Xibrakë ka pasur të shtëna me armë zjarri.

Në vendngjarje, kanë shkuar shërbimet e policisë dhe nga verifikimet paraprake ka rezultuar se në aksin rrugor Elbasan – Xibrakë  ka pasur një konflikt midis disa shtetasve.

Gjatë konfliktit, dyshohet të jetë qëlluar me armë zjarri në ajër. Nga të shtënat me armë zjarri nuk ka persona të dëmtuar

Njëri nga personat që është përfshirë në konflikt, shtetasi S.M., aktualisht është i shoqëruar në Komisariat dhe po merret në pyetje  për sqarimin e rrethanave të ngjarjes.

Gjatë këqyrjes së vendit të ngjarjes, grupi hetimor në afërsi të karburantit në aksin rrugor Elbasan – Xibrakë ka gjetur dhe sekuestruar në cilësinë e provës materiale: Dy gëzhoja pistolete kalibër 9 mm.

Ndërkohë, grupi hetimor po punon për sqarimin e plotë të rrethanave të ngjarjes.