Dy persona janë vrarë dhe 200 të tjerë janë plagosur pas një tërmeti 6.7 ballësh në Detin Mesdhe, mëngjesin e sotëm.

Tërmeti ra në afërsi të Turqisë dhe ishullit turistik grek, Kos, raporton “BBC”.

Autoritetet për monitorimin e tërmeteve kanë ngritur menjëherë një alarm për cunami ,duke paralajmëruar se do të përmbytën disa zona.

Shërbimi Gjerologjik i SHBA (USGS) që monitoron tërmetet tha se ishte një tërmet shumë i cekët, vetëm 10 km ose 6.2 milje nën shtratin e detit të qytetit jugperëndimor bregdetare Marmaris në provincën Mugla.

Ai u ndje jashtëzakonisht në turistik turk të Bodrumit, njoftoi Qendra Sizmologjike Europiane e Mesdheut.

T mobile In article [4]

Tërmeti u pasua gjithashtu nga disa tronditje më pak të fuqishme, shkruan “RT”

Dridhjet shkaktuan një valë cunami, me sa duket mjaftë e madhe për të arritur disa hotele të vendosura në vijën bregdetare greke, siç tregojne edhe pamjet në internet.

Studentja britanike, Naomi Ruddock, ka rrëfyer për “BBC” tmerrin e tërmetit në ishullin Kos, ku kishte shkuar me pushime me nënën e saj.

“Ne ishim në gjumë por filluam të ndjenim papritur se dhoma po lëkundej… gjithçka po lëvizte…na u duk sikur ishim në një varkë që po lëkundej shumë shpejt nga njëra anë në tjetrën.

Çatia e një prej lokaleve në ishull u shemb,dhe një traget nuk ishte në gjendje të dilte nga porti për shkak të dëmtimit, tha policia greke./SYRI.net/