Besojeni apo jo, kjo australiane është 70 vjeçe (Foto)
Disa prej nesh kalojmë gjithë jetën duke kërkuar formulën për një trup të përsosur.
Por, ekziston një njeri në botë që duket se e ka gjetur këtë formulë: Carolyn Hartz, 70 vjeçe, e cila hoqi vetëm një ushqim nga dieta e saj dhe qëndroi e bukur dhe e re përgjithmonë.
Carolyn Hartz i ka mbushur të 70’at këtë muaj. Ajo është katër herë gjyshe, por duket aq mirë sa që nuk mund ta quani “gjyshe”, transmeton Gazeta Express.
Carolyn është e sigurt se formula për një trup të përsosur është e thjeshtë: shikoni çfarë hani dhe lëvizni këmbët!
Ajo nuk e përdorë kurrë moshën si arsye. Për shembull, kohët e fundit ajo është angazhuar shumë në tenis.
Sekreti i bukurisë së saj është i thjeshtë. 30 vite më parë, Carolyn hoqi nga dieta e saj çdo gjë që kishte sheqer të bardhë për arsye shëndetësore: ajo kishte diabet.
Pas një viti, trupi i Carolyn u shërua dhe sheqeri në gjak u normalizua. Asaj nuk i pëlqente të jetonte ashtu, sepse iu desh t’i refuzonte të gjitha ushqimet që ajo i donte aq shumë.
Kjo ishte koha kur ajo gjeti mënyrën për të ngrënë ëmbëlsira pa i shkaktuar dëme asaj: Carolyn u bë ndërmarrëse dhe hapi një kompani për ëmbëlsues artificial.
Ajo nuk i përkushtohet vetëm regjimit të ngrënies, natyrisht. Carolyn fle 8 orë në ditë dhe ecë shumë, mediton dhe luan sporte.
