Barcelonë, largohu! Ceballos ka 500 milionë euro klauzolë

Dani Ceballos është një nga bastet e së ardhmes së Real Madridit dhe presidenti Florentino Perez ka bërë gjithçka që duhet për ta “blinduar” për të paktën gjashtë vite në “Santiago Bernabeu”, siç parashikohet në kontratë.

E frikshme, e paparë, historike, jashtë çdo logjike. E tillë mund të quhet klauzola e largimit që i ka vendosur klubi madrilen këtij lojtari magjik. Siç zbulon gazeta “AS”, kush do mesfushorin, duhet të paguajë 500 milionë euro! Kjo është mënyra për ta mbajtur Barcelonën mijëra kilometra larg.