Alizoti: Basha më ka zhgënjyer, Republika e Re ishte dështim!

Drejtori i Departamentit të ish të Përndjekurve në Partinë Demokratike, Tomorr Alizoti, shprehet se “Republika e Re” doli një dështim.

“PD nuk foli vetëm LSI ka bërë opozitë ne zgjedhje. Për çfarë na duhet një garë kur pas dy javësh na vjen prap z. Basha kryetar, ne na duhet analiza, jemi 200 mijë vota mangët, për çfarë na duhet kjo garë? Vetëm LSI bëri opozitë për zgjedhjet”, tha ai në emisionin “Të Pa Ekspozuarit”.

“PD nuk doli në asnjë deklaratë zyrtare, Kryesia nuk funksionon as te PD, as te PS, në Shqipëri këto nuk funksionojnë. Basha më ka zhgënjyer në momentet e fundit, Republika e Re doli një dështim. Në të gjithë kemi humbur, do jemi katër vjet në opozitë”, tha Alizoti, i njohur si kundërshtar i Bashës në PD.