Aksident në Peqin, makina bie në kanal, vdes 31-vjeçarja

Aksident në Peqin, makina bie në kanal, vdes 31-vjeçarja

Një aksident i rëndë ka ndodhur në lagjen ‘Xhami’ të Peqinit. Një automjet doli nga rruga dhe përfundoi në kanal duke i marrë jetën një 31-vjeçareje, ndërsa i plagosur rëndë është edhe një tjetër person.

NJOFTIMI I POLICISË

Më datë 02.07.2017 në qytetin e Peqinit në Lagjen “Xhami” shtetasi R.M., 40 vjeç banues në Peqin, duke drejtuar mjetin Volksëagen, Pasat veturë ka dalë nga rruga dhe ka rënë në kanalin që vjen nga Bishqemi-për Kavajë.

 Në këtë automjet udhëtonin shtetasit;
P.M., 31 vjeçe banuese në Peqin, motra e drejtuesit të mjetit, e cila ka gjetur vdekjen.

N.D., 51 vjeçe banuese në Maqedoni, tezja e drejtuesit të mjetit, ndodhet në spital në gjëndje të rëndë për jetën

Ndërsa Xh.D., 21 vjeçe banuese në Maqedoni, K.M., dhe E.M., 8 dhe 6 vjeçe banuese në Peqin, ndodhen jashtë rrezikut për jetën.

Drejtuesi i mjetit është shoqëruar në Komisariatin e Policisë Peqin për veprime të mëtejshme