Një pjesë e aktivistëve nga sektori joqeveritar shkuan në institucione qeveritare. Për atë se si është të angazhohesh në ministri në raport me organizatat joqeveritare, e pyetëm Petrit Saraçinin, këshilltar special i ministrit të kulturës Robert Allagjozovski. Saraçini thotë se edhe më tej vazhdon që të punojë për qytetarët, por shton se tani dallojnë metodat e punës.

Aktivisti disavjeçar Marijan Zabrçanec aktualisht është këshilltar i kryeministrit për komunikime dhe marrëdhënie me publikun . Ai shprehet se është ende herët që të bëhet dallim për atë se si është të punosh në OJQ e si në kabinetin qeveritar.

“Jemi këtu për ta përmirësuar transparencën e qeverisë. Krahas tjerash, është shumë herët të flitet për këtë. Unë jam angazhuar si profesionaliste ndërsa këtu punojmë që të ketë transparencë për qytetarët”, tha Marjan Zabraçanec, Këshilltar për marrëdhënie me publikun.

Gjithashtu, në kabinetin e kryeministrit kaloi edhe Bojan Maiçiq nga Qendra maqedonase për arsim evropian. Ai nuk dha prononcim, por në profilin e tij në facebook sqaroi se nuk do të harrojë se nga vjen.

“Asnjëherë nuk kam për të harruar se nga vij dhe nëpër çfarë kaluam si shoqëri civile gjatë këtyre viteve”, u shpreh nga Kabineti i kryeministrit, Bojan Mariçiq.

Gazetari Zoran Bojarovski në profilin e tij në facebook shkroi se atë e presin sfida të reja të lidhura me proceset reformuese të qeverisë së re.

“Sapo përfundoi dita ime e parë në vendin e ri të punës. E gjithë kjo më jep të drejtë të besoj se me sfidat e reja dhe me kolegët e rinj të ekipit, do të nisim një tregim të ri për t’u mbajtur mend”, tha Bojarovski.

Si shembull mund të përmendet edhe Pavlle Bogoevski i cili u bë deputet, pasi me vite të tëra ishte aktivist në sektorin civil. Kalimet nga sektori joqeveritar në qeveri kanë ndodhur gjatë kohës së formimit të pothuajse çdo kabineti të ri qeveritar. Qysh prej vitit 2006, Gabriela Konevska-Trajkovka nga Transparency Internationlal u bë zëvendës-nënkryetare në kabinetin e kryeministrit Nikolla Gruevski. Kryetari Gjorgji Ivanov po ashtu vjen nga sektori joqeveritar, Ilija Dimovski ka punuar në Fondacionin Soros, ndërsa ish kryeministri ka qenë i angazhuar në USAID si këshilltar për çështje financiare në Serbi./Tv21