Zyrtare: Roma transferon një tjetër lojtar
Pas transferimve të Morenos dhe Rick Karsdorp, Roma ka siguruar shërbimet edhe të Lorenzo Pellegrinit.
Roma edhe zyrtarisht ka bërë të ditur se ka rikthyer në “Olimpico” Lorenzo Pellegrinin, që u transferua nga Sassuolo për 10 milionë euro, transmeton Gazeta Express.
Lojtari ishte pjesë e akademisë së romakëve para se të largohej në vitin 2015.
Trajneri i ri i Romës, Eusebio Di Francesco, e pëlqen shumë 21 vjeçarin dhe vendosi që ta rikthejë në “Olimpico” me një çmim të volitshëm, kjo edhe falë klauzolës.
“Të rikthehem në Trigoria është diçka e mrekullueshme dhe ka qenë objektivi im që kur u transferova te Sassuolo”, tha mesfushori 21 vjeçar, i cili ka nënshkruar kontratë me Romën deri në vitin 2022.
