Thaçi uron Presidentin e Serbisë, pajtohen për vazhdim të dialogut

Presidenti i vendit Hashim Thaçi ka uruar presidentin e sapozgjedhur serb, Aleksandar Vuçiq për pozitën e re shtetërore në Serbi.

Thaçi ka theksuar se ka zhvilluar një bisedë telefonike me të ku edhe e ka uruar për detyrën e re, transmeton Indeksonline.

Presidenti Thaçi ka shtuar gjithashtu se kanë diskutuar për dialogun dhe normalizimin e marrëdhënieve ndërmjet Kosovës dhe Serbisë.

Ky është postimi i plotë:

Sapo zhvillova një bisedë telefonike me Presidentin e Serbisë, Aleksandar Vuçiq, të cilin e urova për detyrën e re.

Gjithashtu, diskutuam dhe u pajtuam të vazhdojmë dialogun për normalizimin e marrëdhënieve ndërmjet Kosovës dhe Serbisë, si dhe të punojmë bashkërisht për zgjidhjen e të gjitha çështjeve me interes të ndërsjellë. HTH