Sekretari amerikan i Mbrojtjes, James Mattis e ka informuar Turqinë për armët që Amerika i ka dhënë YPG-së, zgjatimi i organizatës separatiste terroriste PKK në Siri.

Mattis, në letrën e tij drejtuar ministrit të Mbrojtjes Kombëtare, Fikri Ëshëk (Fikri Işık) jep informacione mbi materialet dhe pajimet që i janë dërguar organizatës terroriste YPG.

Sekretari amerikan i Mbrojtjes bën të ditur se janë mbajtur evidencat me fotografi dhe inventari i të gjithë armatimit dhe materialeve të tjera, dhe armët në fjalë do të rimerreshin pas mposhtjes së organizatës terroriste DAESH.

T mobile In article [4] Laor

Mattis gjithashtu thotë se këshilltarët amerikanë janë me detyrë në terren për të siguruar që pajisjet e dërguara YPG-së të mbeten në Siri.

Në letrën e tij Mattis gjithashtu njofton se po marrin masa intensive dhe vendimtare për shqetësimet që paraqet Turqia lidhur me sigurinë e saj. Lista e materialeve që do ti jepen organizatës terroriste YPG do ti dërgohet rregullisht çdo muaj edhe Turqisë, shtoi ai.

“Bëhet fjalë për një bashkëpunim të detyrueshëm me YPG-në në terren,” shkruan Mattis, ndërsa sqaron se 80% e trupave që do të marrin pjesë në operacionin për çlirimin e Rakës nga DAESH-i do të jenë arabë.

Mattis shprehu gjithashtu dëshirën për të pasur një takim kokë më kokë me ministrin e Mbrojtjes Kombëtare të Turqisë, Fikri Ëshëk javën e ardhshme në Bruksel të Belgjikës.