SHBA – Arrestohet ish-diplomati për spiunazh te kinezët

Një ish-punonjës diplomacie, është arrestuar në SHBA me akuzat se i ka dorëzuar dokumente “top secret” një agjenti kinez.

Sipas dëshmisë nën betim, 60-vjeçari nga Virginia Kevin Mallory raportohet se ka udhëtuar drejt Shangait në mars dhe prill të këtij viti. Ai është marrë në pyetje nga agjentët doganorë në Aeroportin e Chicagos, pasi nuk kishte deklaruar një shumë prej 16.500 dollarësh “cash” që iu gjetën në valixhe.

Një zyrtar i lartë i Departamentit të Drejtësisë tha se akuzat ndaj tij janë tejet “serioze”.

“Sjellja e pretenduar në këtë ankimim është serioze. Këto akuza duhet t’i dërgojë një mesazh të qartë kujtdo, i cili do të çojë nëpërmend të shkelë besimin e publikut dhe të kompromentojë sigurinë tonë kombëtare, duke zbuluar informacione të klasifikuara”, tha Dana J. Boente, ndihmësprokurorja e Përgjithshme në detyrë për Sigurinë Kombëtare.