Edhe pse është inauguruar një vit më parë, linja e interkonjeksionit 400 KW Shqipëri-Kosovë ende nuk është vënë në punë për shkak të pengesave të ardhura nga Serbia, pasi kërkon që kjo linjë të menaxhohet nga operatori serb EMS.

Kjo ndodh për shkak se Operatori i Transmetimit të Kosoves nuk njihet si zonë rregulluese nga ENTSO. Por për inxhinierin Naskë Afezolli, një nga projektuesit e lidhjeve paralele të Shqipërisë me ish-Jugosllavinë dhe Greqinë, zgjidhja e ngërçit është e mundur.

“Ka zgjidhje teknike dhe legale që mund të shmangin që kjo linjë të quhet linjë interkonjeksioni, sepse mund të bësh një bashkim Shqipëri-Kosovë të tregjeve dhe të thuash që kjo nuk është më linjë interkonjeksioni. Përse duhet të presim ne që Kosova të zhvillohet vetëm pasi të miratohet nga Serbia? Nga ana teknike mund të realizohet me metoda inxhinierike që përsëri mund të matet, të futet në matje dhe të konsiderohet si një lidhje e Shqipërisë me Kosovën, pavarësisht se si e interpretojnë serbët”, deklaron Afezolli.

T mobile In article [4] Laor

Për Afezollin, një nga armët më të forta të Serbisë është lobimi shumë i fortë në ENTSO-e për të penguar Kosovën, gjë e cila sipas tij, nuk është në nivelet e duhura nga ana e Shqipërisë.