Rritet në 148 numri i të vdekurve nga shpërthimi i cisternës së naftës në Pakistan
Është rritur në 148 numri i të vdekurve nga shpërthimi i një cisterne të rrotulluar të naftës në Pakistan.
Por, numri i përgjithshëm i të vdekurve mund të rritet edhe më tej, pasi 50 persona të tjerë janë në gjendje të rëndë nga djegiet që kanë marrë si pasojë e shpërthimit, transmeton Express.
Qindra persona kishin vrapuar drejt cisternës së rrotulluar që po rridhte naftë kur ajo shpërtheu papritmas.
Saznoor Ahmad, 30-vjeçar, dy kushërinjtë e të cilit u vranë në zjarr, ka thënë se turma e njerëzve bërtiste teksa flaka i kaplonte ata.
“Zjarri lëvizi shumë shpejt,” ka thënë ai.
