Mourinho dëshiron ta mbajë Darminianin

Jose Mourinho siç duket do t’i japë edhe një shans mbrojtësit italian Matteo Darmian te Manchester Unitedi, përkundër interesimit të Juventusit për ta transferuar atë.

Darmian është synimi kryesor i kampionit të Italisë për ta zëvendësuar Dani Alvesin, i cili pritet të bashkohet këtë verë me Manchester Cityn, transmeton Koha.net.

Goal raporton se Mourinho është i gatshëm që të luftojë për ta mbajtur nën menaxhimin e tij 27 vjeçarin, i cili muaj më parë kishte thënë se është i gatshëm që të japë gjithçka për të siguruar vendin e titullarit në Old Trafford.

Darmian kishte dështuar të sigurojë vendin e titullarit gjatë dy sezoneve të tij të para me Unitedin, por ka qenë një nga performuesit më të mirë në finalen e Ligës së Evropës ndaj Ajaxit, dhe sipas Goalit ajo paraqitje ka ndikuar në vendimin e Mourinhos.