Kreu i AAK-së, Ramush Haradinaj ka treguar se para zgjedhjeve i ka ofruar Lëvizjes Vetëvendosje postin e kryeministrit.

Madje sot zyrtarët të këtij subjekti e kanë publikuar edhe dokumentin ku sipas tyre dëshmohet  edhe oferta që AAK ja ka bërë Vetëvendosjes.

Kryetari i degës së AAK’së në Prishtinë, Avni Arifi thotë se ata kurrë nuk insistuan për postin e Kryeministrit por siç u shpreh ai, as kjo nuk u mjaftoi atyre.

“Kjo është oferta e AAK për VV e të cilën VV e refuzoi vitin e kaluar. Ne kurrë nuk insistuam për postin e Kryeministrit por as kjo atyre nuk ju mjaftoj. Ata donin FER të ri!!! Është në kundershtim me të gjitha ligjet e natyrës që AAK të shkrihet në parti si VV. Ishte verbëri politike të pritej diçka e tillë nga lidershipi i VV”, ka thënë Arifi.

Haradinaj dje gjatë një interviste tha se VV nuk ka qenë e gatshme për ndryshim, duke shtuar se nuk mbanë shpresë që t’i bashkohen në formimin e qeverisë.

“ Ata e kanë fokusimin tek vetvetja, jo tek proceset në vend për këtë arsye edhe kam shkua kësaj rruge që jam sot”, është shprehur Haradinaj. /Express/