Punonjësit e sektorit të pastrimit në Greqi organizuan demonstratë, pasi që komunat në vend nuk i kanë zgjatur kontratat e tyre, raporton Anadolu Agency (AA).

Rreth 2 mijë punonjës të sektorit të pastrimit të cilët u mblodhën në Sheshin “Karaiskakis” me thirrjen e Federatës së Punonjësve të Qeverisjes Vendore (POE-OTA), marshuan drejt ndërtesës së Ministrisë së Brendshme. Demonstruesit të cilët dëshironin të hyjnë në ndërtesën e ministrisë u bllokuan nga policia.

Punonjësit të cilët donin të vendosin zjarr mbi mbeturinat të cilat i kishin grumbulluar para ndërtesës, më pas marshuan drejt ndërtesës së parlamentit, ku ka ndërhyrë edhe policia. Ndërsa disa punonjës janë lejuar të hyjnë në ndërtesë për të takuar kryetarin e parlamentit, Nikos Voutsis.

Global

Ndërkohë disa qytetarë të cilët u ndikuan për shkak të motit të nxehtë dhe gazit lotsjellës me ambulanca u dërguan nëpër spitale.

Zgjatja e kontratave të punonjësve të sektorit të pastrimit me vendimin e gjykatës së auditimit ishte vendosur se është kundër kushtetutës. Pas vendimit, ishte shfaqur një mundësi me të cilën rreth 10 mijë punonjës të mbeten pa punë.

T mobile In article [4]

Pas grevës së punonjësve të sektorit të pastrimit në Athinë dhe disa qytete tjera janë formuar grumbuj të mbeturinave. Greqi vend i cili ka papunësinë më të lartë në Eurozonë, në muajin mars ky fenomen ishte llogaritur 22.5 për qind.